პარლამენტში დეპუტატები ერთმანეთს სიტყვიერად დაუპირისპირდნენ. კამათი საპარლამენტო უმრავლესობის წევრს, მიხეილ ყაველაშვილსა და უმცირესობის წარმომადგენელ, გუბაზ სანიკიძეს შორის მოხდა.

სანიკიძემ ყაველაშვილს 20 ივნისის ღამის შესახებ დაუსვა შეკითხვა, რასაც ყაველაშვილის გაღიზიანება მოჰყვა და გუბაზ სანიკიძეს მოღალატე უწოდა.

"დაწყნარდი, გუბაზ, ვერც შენი მასით და ვერც ყვირილით ვერ შემაშინებ, პასუხი შენ გაეცი საზოგადოებას, ამათთან როგორ გადახვედი, თქვენ ხართ მაგალითი ღალატის და უნამუსობის. მაშინ ერთად ვიდექით 200 ათასიან მიტინგებზე და არც ერთი ძალადობა არ განხორციელებულა, არც პოლიციელზე და არც სახელმწიფო ინსტიტუტზე, ამ შემთხვევის გარდა, ვგულისხმობ 20 ივნისს" - მიმართა ყაველაშვილმა სანიკიძეს.

ფოტო: ტვ პირველი