რა პროდუქტები გაძვირდა მაისში ყველაზე მეტად - საქსტატი განახლებულ მონაცემებს აქვეყნებს. მათი ინფორმაციით, 2021 წლის მაისში წინა თვესთან შედარებით ინფლაციის დონემ საქართველოში 0.7% შეადგინა, ხოლო წლიური ინფლაციის დონემ - 7.7%.

სტატისტიკის ეროვნული სამსახურის ანგარიშიდან ირკვევა, მაისში წლიურ ჭრილში სასურსათო პროდუქტებიდან ყველაზე მეტად ისევ ზეთისა და ცხიმის ფასი გაიზარდა - 42.7%-ით.

სურსათი და უალკოჰოლო სასმელების ჯგუფში ფასები გაიზარდა 3.3 პროცენტით, რაც წლიურ ინფლაციაზე 1.07 პროცენტული პუნქტით აისახა.

ნამატი ფასები პროდუქტებზე ასე გამოიყურება:

ზეთი და ცხიმი 42.7 %

შაქარი, ჯემი და სხვა ტკბილეული 13.7 %

რძე, ყველი და კვერცხი 8.0 %

ყავა, ჩაი და კაკაო 8.0 %

თევზეული 7.6 %

მინერალური და წყაროს წყალი, უალკოჰოლო სასმელები და ნატურალური წვენები 7.2 %

ხორცი და ხორცის პროდუქტები 6.0 %

პური და პურპროდუქტები 5.8 %

ფასები შემცირებულია ბოსტნეულსა და ბაღჩეულზე (-23.3 % ასევე ხილსა და ყურძენზე -20.9 %)

მთავარი ფოტო: dawn.com