სტატისტიკის ეროვნული სამსახურის მონაცემებით, 2022 წლის IV კვარტალში დაქირავებით დასაქმებულთა საშუალო თვიური ნომინალური ხელფასი წინა წლის შესაბამის პერიოდთან შედარებით 21.2%-ით გაიზარდა და 1773.7 ლარი შეადგინა.

მათივე ცნობით, სამეწარმეო სფეროში დასაქმებულთა ხელფასი 19.6%-ით გაიზარდა და 1911.1 ლარი შეადგინა, ხოლო არასამეწარმეო სფეროში დასაქმებულთა ანაზღაურება 21.9%-ით გაიზარდა და 1523.0 ლარი შეადგინა.

2022 წლის IV კვარტალში ქალების საშუალო ხელფასი 1 411.7 ლარით, ხოლო კაცების - 2 123.2 ლარით განისაზღვრა. ხელფასების წლიურმა ზრდამ ქალებში 258.0 ლარი (22.4%) შეადგინა, ხოლო კაცებში - 355.3 ლარი (20.1%). საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.