მგონი, ომი რომ დასრულდება, არახამიაზე უფრო მეტს გაიგებს საზოგადოება ცუდ რაღაცებს. ამის შესახებ საპარლამენტო უმრავლესობის წევრმა, ირაკლი კობახიძემ ჩანაწერებზე საუბრისას განაცხადა. იგი მიჩნევს, რომ გავრცელებული ჩანაწერები ბაკურიანის შეკრების ლოგიკური გაგრძელებაა.
,,მახსოვს, რძის პროდუქტებთან დაკავშირებით გავრცელებულ ფეიკს დავით არახამია მაშინვე გამოეხმაურა. ახლაც ნგავრცელდა კიდევ ერთი გაუგებარი ჩანაწერი, რომელსაც იმავე დღეს გამოეხმაურა დავით არახამია. ამას აქვს ერთი მიზეზი, დავით არახამია საქართველოში არის რადიკალურ ოპოზიციაში, უკრაინაში ხელისუფლებაში, საკმაოდ მაღალ თანამდებობაზე, ასეთ დროს ბუნებრივია არის სრული კოორდინაცია. მგონი, ომი რომ დასრულდება, არახამიაზე უფრო მეტს გაიგებს საზოგადოება ცუდ რაღაცებს. მგონია, რომ ეს ყველაფერი არის ლოგიკური გაგრძელება იმ შეხვედრისა, რომელიც შედგა ბაკურიანში. ის შედგა მოღალატეობრივი შეკრება, სადაც განხილული იქნა ხელისუფლების გადატრიალების გეგმები. ეს ჩანაწერიც მათთვის იყო ერთგვარი ხავსი და ამ შეკრების გაგრძელება უნდათ ამ ჩანაწერით და მერე არახამიას განცხადებით. იმასაც არ გამოვრიცხავდი, აკერმანის ჩამოტანილი იყოს ეს ფარული ჩანაწერები და პირდაპირ უკავშირდებოდეს ეს ყველაფერი ბაკურიანის შეკრებას. ეს არის ჩემი პოლიტიკური ვარაუდი. არახამია არის „ნაცმოძრაობის“ გარე სპიკერი, რომელიც რამდენიმე საათში აკეთებს ხოლმე განცხადებებს“ _ განაცხადა ირაკლი კობახიძემ.
