ოპოზიციამ უნდა გაიაზროს, რომ ის, რაც მისი ორგანიზებული და მისი მხარდაჭერის გამომხატველი არ არის, უნდა გაერიდოს და მხარი გვერდიდან დაუჭიროს. აღნიშნული განცხადება პარლამენტის ვიცე-სპიკერმა ლევან იოსელიანმა პარლამენტთან გამართულ გუშინდელ აქციასთან დაკავშირებით გააკეთა. მისი თქმით, პარტიული მიმართვები უადგილოა მაშინ, როცა ხალხი არცერთი პარტიის მხარადასაჭერად არ არის გამოსული.
,,როგორც კი, პარტიული მიმართვები დაიწყეს, ხალხი დაიშალა. სამწუხაროა, ზოგიერთები ცდუნებას ვერ უძლებენ და ხალხს რომ დაინახავენ, რომელიმე პარტიის მხარდამჭერი ჰგონიათ. ოპოზიციამ უნდა გაიაზროს, რომ ის, რაც მისი ორგანიზებული და მისი მხარდაჭერის გამომხატველი არ არის, უნდა გაერიდოს და მხარი გვერდიდან დაუჭიროს. პოლიტიკოსები მიკროფონთან მაშინ უნდა მივიდნენ, თუ ხალხს თავად გამოიყვანენ. როცა ხალხი თავად გამოვიდა, მიკროფონთან ან არავინ უნდა მისულიყო, ან ის ხალხი, ვინც იქ იდგნენ, და არა ის პოლიტიკოსები, რომელთაც ხალხის გამოყვანისთვის არაფერი გაუკეთებიათ“ _ განაცხადა ლევან იოსელიანიმა.
