ბატონი ბადრი არის ადამიანი, რომელიც ნამდვილად საქმიანობდა პარლამენტში, არ იყო რადიკალი, აგრესიული და ვფიქრობ, რომ ასეთი ადამიანები საჭიროა პარლამენტში. ასე გამოეხმაურა ,,მოქალაქეების“ ერთ-ერთი ლიდერი, ვიცე-სპიკერი ლევან იოსელიანი ბადრი ჯაფარიძისთვის უფლებამოსილების შეწყვეტას.
,,განსხვავებული მიდგომები მქონდა სხვადასხვა დეპუტატების მიმართ, ყველას მიმართ თანაბრად არ მიმაჩნია, რომ უფლებამოსილების შეწყვეტა სწორი გადაწყვეტილება იყო.
თუ ვთვლიდი, რომ ეს გადაწყვეტილება, მაგალითად, შალვა ნათელაშვილის შემთხვევაში სწორი იყო, ბადრი ჯაფარიძის შემთხვევაში ასე არ ვთვლიდი, რადგან პარლამენტი ის ადგილია, სადაც გარდა იმისა, რომ განსხვავებული მოსაზრებები და პოზიციები უნდა ფიქსირდებოდეს, უნდა იყვნენ უფრო მეტი ისეთი ადამიანები, ვისაც კონსტრუქციულად რაღაც საკითხებზე საუბარი და მუშაობა შეუძლია. ბატონი ბადრი არის ასეთი ადამიანი, რომელიც მთელი ამ პერიოდის მანძილზე ნამდვილად საქმიანობდა პარლამენტში, არ იყო რადიკალი, აგრესიული და ვფიქრობ, რომ ასეთი ადამიანები საჭიროა პარლამენტში“ _ აღნიშნავს ლევან იოსელიანი.
