ლარსი ჰესის გამო შენ თერგი გააქრე. ასე უპასუხა ლეიბორისტული პარტიის ლიდერმა შალვა ნათელაშვილმა ,,მოქალაქეების“ წარმომადგენლის, ლევან იოსელიანის განცხადებას.
,,გამოსულა ვიცე-სპიკერი ლევან იოსელიანი და განუცხადებია, რომ ნათელაშვილისნაირი პოლიტიკოსების დრო უნდა წავიდესო... ლარსი ჰესის გამო მაგან თერგი გააქრო, თერგი აღარ არი, იცით ხო? თერგი აღარ მოდის. აი, ეს ორბელიანის სიტყვები ,,თერგი ჰრბის, თერგი ღრიალებს, კლდენი ბანს ეუბნებიან!“ ეს ლექსად დარჩა, ვსიო, დამთავრდა, ლარსი ჰესის გამო მან თერგი გააქრო“ _ განაცხადა შალვა ნათელაშვილმა.
ცნობისთვის, ლევან იოსელიანმა განაცხადა, რომ შალვა ნათელაშვილი პარლამენტის მანდატს აღარ იმსახურებს, რადგან, როგორც იგი აღნიშნავს, შალვა ნათელაშვილს 2008 წლიდან დღემდე ბიუჯეტიდან 5 მილიონ ლარზე მეტი აქვს აღებული, თუმცა პარლამენტის შენობაში ფეხიც არ დაუდგამს.
