გარემოს ეროვნული სააგენტოს ინფორმაციით, მომდევნო დღეებში საქართველოში ამინდის მკვეთრი გაუარესებაა მოსალონდელი. სინოპტიკოსების პროგნოზით, დროგამოშვებით ნალექია მოსალოდნელი.
"13-დან 17 იანვრამდე საქართველოში მოსალოდნელია ამინდის მკვეთრი გაუარესება: დროგამოშვებით ნალექი, უმეტესად თოვლის სახით, ზოგან ძლიერი, ჰაერის ტემპერატურის მნიშვნელოვანი დაკლება, ძლიერი ქარი, მთაში და მაღალმთაში ძლიერი თოვა, ნისლი და ქარბუქი, ზღვაზე 4-5 ბალიანი შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა, მთიან რეგიონებში ზვავსაშიშროება" – აცხადებენ სააგენტოში.
მათივე ცნობით, საავტომობილო გზების ცალკეულ მონაკვეთებზე დიდთოვლობა, ხილვადობის გაუარესება, ქარბუქი, ლიპყინული და ზვავსაშიშროებაა მოსალოდნელი, რის გამო შესაძლოა, სატრანსპორტო მოძრაობა შეიზღუდოს.
