საქართველოს პრემიერ-მინისტრმა ირაკლი ღარიბაშვილმა სამეგრელოში ვიზიტის დროს ,,ნაციონალური  მოძრაობის" კანდიდატზე ანზორ მელიაზე ისაუბრა და განაცხადა, რომ მას წარმოდეგნა არ აქვს როგორ უნდა მართოს მუნიციპალიტეტი. ღარიბაშვილი დარწმუნებულია, რომ ზუგდიდში მამუკა წოწორია მოიგებს. 

,,ზუგდიდში არის იმის მზაობა, რომ 30 ოქტომბერს ჩვენმა ღირსეულმა კანდიდატმა დიდი უპირატესობით გაიმარჯვოს. ამ ქალაქს სხვა არჩევანი არ აქვს. ანზორ მელია შეიძლება დამსახურებული ექიმია, მაგრამ მაინტერესებს რა მოტივაცია აქვს ამ კაცს. როგორ უნდა მართოს ზუგდიდი, რომელმაც არ იცის ბიუჯეტი, რამდენი სოფელია ამ ქალაქში, საერთოდ წარმოდგენა არ აქვს როგორ იმართება მუნიციპალიტეტი. ამ დროს კი, ჩვენ გვყავს ძალიან გამოცდილი და უწესიერესი კაცი - მამუკა წოწერია. ის არ შეარცხვენს ამ ქალაქს. მინდა ვთხოვო თითოეულ ჩვენს მხარდამჭერს, რომ არც ერთი არ დარჩეს სახლში არჩევნების დღეს, ყველანი არჩევნებზე, რომ 30 ოქტომბერს, საბოლოოდ დავუსვათ ბეჭედი ,,ნაცმოძრაობის" ბოგინს“ _ განაცხადა ირაკლი ღარიბაშვილმა.