სასტუმრო „ვინოტელის“ მფლობელმა, ბენო ქაშაკაშვილმა, ვლადიმერ პოზნერისა და მისი სტუმრების ვიზიტთან დაკავშირებით განაცხადა, რომ პოზნერისთვის ასეთი დახვედრა მოულოდნელი იყო და მას ცუდი რეაქცია ჰქონდა. მისი თქმით, ისინი ყოველ წელს დადიოდნენ საქართველოში, თუმცა, შარშან პანდემიის გამო არ ჩამოსულან.

„ბოდიში, ძალიან მძიმე ღამე მქონდა, არც დილაა იოლი. სტუმრები წავიდნენ, აღარ არიან, აღარც ჩამოვლენ. მე კი ბოდიში - ალბათ გამიგებთ... ჩემთვის მოულოდნელი და სამწუხარო იყო ეს ყველაფერი. ისინი ყოველ წელს ჩვეულებრივ დადიოდნენ აქ, სხვაგან და ა.შ.

რაც შეეხება „კომენდანტის საათის“ დროს რესტორნის გახსნას, მათ ჩამოფრენა დააგვიანეს და ვეღარ შევცვალე გეგმა, დაგვსაჯეს კიდეც ამისთვის - 10 000 ლარიანი ჯარიმით. ასეთ დიდ ჯარიმას არ ვიმსახურებდით, მგონია, არც - რისხვას, გამომდინარე მათი ადრინდელი ვიზიტებიდან ჩვენთან, თუ სხვა სასტუმროში.

შარშან პანდემია იყო და არ ჩამოსულან. შარშანწინ ამ დროს კი იყვნენ ჩამოსულები. ვლადიმერ პოზნერისთვის მოულოდნელი იყო ასეთი დახვედრა, ცუდი რეაქცია ჰქონდა“ - ამბობს ქაშაკაშვილი.

მთავარი ფოტო: Facebook