შინაგან საქმეთა სამინისტრომ 23 წლის გოგოს გატაცების ბრალდებით 4 პირი დააკავა. შემთხვევა გუშინ 2 აგვისტოს მოხდა.

უწყების ინფორმაციით, 1981 წელს დაბადებულმა თ.ნ-მ "ცოლად მოყვანის მიზნით" სამ თანამზრახველთან ერთად გაიტაცა 1998 წელს დაბადებული გოგო. 

სამართალდამცავებმა დამნაშავეები ცხელ კვალზე აიყვანეს. გამოძიება სისხლის სამართლის 143-ე მუხლის პირველი ნაწილით მიმდინარეობს, რაც ადამიანის თავისუფლების უკანონოდ აღკვეთას გულისხმობს. დანაშაული 2-დან 4 წლამდე თავისუფლების აღკვეთას ითვალისწინებს. 

ფოტო: facebook