ჰომოფობიურად განწყობილი ჯგუფის ლიდერი, საზოგადოება ,,ზნეობას“ ხელმძღვანელი გურამ ფალავანდიშვილი ხელისუფლებას ,,ღირსების მარშისთვის“ ხელის შეშლისკენ მოუწოდებს. მისი თქმით კვირეულის განმავლობაში რუსთაველზე მილიონი კაცის გამოყვანას აპირებენ.
,,ვინც დააკავეს, იმედი მაქვს, ყველას გაათავისუფლებენ. ვაპირებთ, ამ 4 ღამიდან მილიონი კაცი გამოვიდეს რუსთაველზე. თუ რუსთაველის გამზირის წმენდას დაიწყებენ, იქ მყოფ სამღვდელოებას, ქალებს, კაცებს დაგვიწყებენ დასახიჩრებას.
პროვოკაციები აუცილებლად იქნება, რადგან იქ რაც ტარდება სიბინძურეა. ამიტომ მოვუწოდებ ხელისუფლებას, რამე გამოუსწორებელი რომ არ მოხდეს, მსხვერპლი რომ არ მოჰყვეს, არ გადაიზარდოს რევოლუციაში ან აჯანყებაში, ეს არ ჩაატაროს“ _ ამბობს ფალავანდიშვილი.
