საპარლამენტო უმრავლესობის ლიდერმა ჟურნალისტებთან საუბრისას განაცხადა, რომ 20 ივნისის მოვლენებზე პასუხისმგებლობა სამ ნაწილად იყოფა.

„პირველი იყო ის, რაც სხდომათა დარბაზში ჩატარებას მოჰყვა - იყო ჯერ გავრილოვის და შემდეგ ოპოზიციის პროვოკაცია. რა თქმა უნდა, ეს იყო ჩვენი შეცდომა, მათ შორის ჩემი შეცდომა, რაზეც პოლიტიკური პასუხისმგებლობა ავიღე. მეორე - იყო პარლამენტზე შტურმისა და შეჭრის მცდელობა. ეს იყო მთავარი დანაშაული, რაც იმ ღამეს ჩაიდინეს. ეს არის ნიკა მელიასა და „ნაციონალური მოძრაობის“ პასუხისმგებლობა, ეს არის მათი პოლიტიკური პასუხისმგებლობა და სამართლებრივზე სამართალდამცავმა ორგანოებმა უნდა ისაუბრონ. რაც შეეხება ხარვეზებს, რაც დაშლის პროცესში იყო, ეს იყო იმ ადამიანების პასუხისმგებლობა, ვინც ეს ყველაფერი დაგეგმა“ - განაცხადა ირაკლი კობახიძემ.

მთავარი ფოტო: reginfo.ge