ემანუელ მაკრონს ერთ-ერთმა მოქალაქემ სილა გააწნა, ინციდენტი მაშინ მოხდა, როცა საფრანგეთის პრეზიდენტი ქვეყნის სამხრეთ ნაწილში რესტორნის მფლობელებსა და სტუდენტებთან შეხვედრას მართავდა და მათ კორონავირუსისგან გამოწვეულ პრობლემებზე ესაუბრებოდა.
მედიაში გავრცელებული ინფორმაციით, მაკრონმა ერთ-ერთ მოქალაქეს ჩამოსართმევად ხელი გაუწოდა, მამაკაცმა კი დაიყვირა: „ძირს მაკრონი“ და პრეზიდენტს სილა გააწნა.
მაკრონის დაცვის წევრებმა მამაკაცი მიწაზე დააწვინეს, პრეზიდენტი კი მისგან მოშორებით გაიყვანეს. ტელეკომპანია BFM TV-ის ცნობით, ინციდენტთან დაკავშირებით ორი პირია დაკავებული.
მთავარი ფოტო: timesofisrael.com
