საქართველოს ბაზარზე ახალი ავიაკომპანიები - Oman Air და Eurowings შემოდიან - ინფორმაციას ეკონომიკის მინისტრი ავრცელებს. ნათია თურნავას თქმით, ისინი ავიარეისებს კვირაში რამდენჯერმე შეასრულებენ.
„ახალი ფრენები ანონსდება, ახალი ავიაკომპანიები შემოდიან ჩვენს ბაზარზე. ცნობილი გახდა, რომ Oman Air, მნიშვნელოვანი არაბული სახელმწიფოს ავიაგადამზიდი კომპანია შემოვა და დაიწყებს ფრენებს კვირაში რამდენიმეჯერ. ასევე, ივლისიდან ჩვენ უკვე დავუდასტურეთ დაბალბიუჯეტიან ევროპულ კომპანიას, Lufthansa-ს შვილობილ კომპანია Eurowings-ს და ის დაიწყებს კვირაში რამდენიმეჯერ ფრენას თბილისი-დიუსელდორფის მიმართულებით.
ასევე, პერმანენტულად შემოგვდის მოთხოვნა სხვადასხვა უკვე მოქმედი ავიაკომპანიისგან სიხშირეების გაზრდაზე“ - განაცხადა ნათია თურნავამ.
მთავარი ფოტო: smartertravel.com
