საქართველოს პრემიერ-მინისტრი, ირაკლი ღარიბაშვილი სოციალურ ქსელში აფხაზეთის საოკუპაციო ხაზთან მოკლული ქართველი გიგა ოთხოზორიას შესახებ სტატუსს აქვეყნებს, რომლის გარდაცვალებიდანაც დღეს 5 წელი გავიდა.
ღარიბაშვილის განცხადებით, ხელისუფლბე მკლველობაში დამნაშავე პირის კანონის სრული სიმკაცრით დასჯისთვის ყველაფერს აკეთებს.
"დღეს ხუთი წელი შესრულდა აფხაზეთის საოკუპაციო ხაზთან ახალგაზრდა პატრიოტის, გიგა ოთხოზორიას მკვლელობიდან.
ეს სასტიკი დანაშაული ოკუპაციის რეალური სახეა, რომელმაც გიგას და სხვა ჩვენი მოქალაქეების სიცოცხლე შეიწირა.
ჩვენი ხელისუფლება ყველაფერს აკეთებს იმისთვის, რომ გიგა ოთხოზორიას მკვლელობაში ყველა დამნაშავე პირი კანონის სრული სიმკაცრით დაისაჯოს.
ვიყენებთ ჩვენს ხელთ არსებულ ყველა სამართლებრივ და საერთაშორისო ინსტრუმენტს, რათა დამნაშავეები მართლმსაჯულების წინაშე წარდგნენ" - წერს ღარიბაშვილი.
ფოტო: facebook
