პიკურ ტარიფებში ქვეყანა იხდის დაახლოებით 9-დან 10 ცენტამდე. ნამახვანჰესის პროექტით გათვალისწინებულია 6,2 ცენტი, შესაბამისად, ეს პროექტი ქვეყნისთვის მომგებიანია. ამის შესახებ ENKA-ს დირექტორმა, მერაბ ლომინაძემ განაცხადა.
,,ნამახვანჰესის აშენება ენერგოდამოუკიდებლობისკენ პირველი ნაბიჯი იქნება. ეს იქნება ის სადგური, რომელიც გამოიმუშავებს ელექტროენერგიას, რომლითაც ჩანაცვლდება სრულად იმპორტირებული ელექტროენერგია. მოგეხსენებათ, რომ ტარიფები განსხვავებულია - არის პიკური ტარიფები და დღის ტარიფები. პიკურ ტარიფებში ქვეყანა იხდის დაახლოებით 9-დან 10 ცენტამდე. მაშინ როდესაც ნამახვანჰესის პროექტით გათვალისწინებულია 6,2 ცენტი, შესაბამისად, ცხადია, რომ ეს პროექტი ქვეყნისთვის მომგებიანია“ _ განაცხადა ლომინაძემ.
მისივე თქმით, მათ ქვეყნისთვის სიკეთის მოტანა სურთ, მზად არიან ყველასთან ითანამშრომლონ, სიტუაციის განსამუხტად განახორციელონ კომპეტენტური კვლევები და ჩართონ კომპეტენტური ადამიანები. როგორც ლომინაძე ირწმუნება, ნამახვანჰესის აშენება ტვიშის უნიკალურ სახეობას არ გაანადგურებს.
